TOShKENT, 6 fev - Sputnik. Rossiya mudofaa vaziri Sergey Shoygu Suriyadagi Rossiya qo‘shinlari guruhi qo‘mondoniga ushbu respublika hududida sodir bo‘lgan zilzila oqibatlarini bartaraf etishda yordam ko‘rsatishni topshirdi.
Rossiya Yarashtirish markazi tomonidan ko‘rsatilgan yordam doirasida Aleppo, Xama, Latakiya va boshqa shaharlarda jabrlanganlarga insonparvarlik yordami, jumladan, oziq-ovqat to‘plamlari va zaruriy narsalar zudlik bilan yetkazib berish bo‘yicha oltita punkt ish boshladi. Ular Jebla, Stam va Bustan El-Bash aholi punktlarida hududida joylashgan.
Rossiya Qurolli Kuchlarining Suriya Arab Respublikasidagi guruhi harbiy xizmatchilari orasidan vayronalarni bartaraf etish, jabrlanganlarni qidirish va ularga tibbiy yordam ko‘rsatish bo‘yicha vazifalarni bajarishga kirishgan 10 ta birlashtirilgan otrad tuzildi.
Eng katta vayronagarchilikka uchragan hududlarda zilzila oqibatlarini bartaraf etishga 300 dan ortiq harbiy xizmatchi, 60 ta harbiy va maxsus texnika jalb etilgan.
Xmeymim aviabazasida rossiyalik harbiy shifokorlarning mobil guruhi tuzildi va ular doimiy ravishda yordam ko‘rsatishga tayyor, donorlik qonini qabul qilish uchun to‘rtta punkt, shuningdek, kuch va vositalar harakatlarini muvofiqlashtirish uchun qo‘shma tezkor shtab joylashtirildi.
Ma’lumot uchun, 6-fevral kuni Suriyaning Halab, Latakiya, Xama va Tartus viloyatlari ham zilziladan jiddiy zarar ko‘rdi. Respublika Sog‘liqni saqlash vazirligi ma’lumotlariga ko‘ra, qurbonlar soni 403 nafarga yetgan, 1,3 mingga yaqin kishi jarohatlangan.