TOShKENT, 30 yanv — Sputnik. Rossiya Federatsiyasi musulmonlari diniy boshqarmasi delegatsiyasi O‘zbekistonga amaliy tashrif bilan keldi. Bu haqda Rossiya muftiylar kengashi ma’lum qildi.
Tashrif doirasida Rossiya muftiylar kengashi raisining birinchi o‘rinbosari, musulmonlar diniy boshqarmasi raisi o‘rinbosari Rushan Abbasov va O‘zbekiston musulmonlari idorasi raisining birinchi o‘rinbosari Homidjon Ishmatbekov o‘rtasida ikki tomonlama uchrashuv bo‘lib o‘tdi.
Vstrecha pervogo zamestitelya predsedatelya Soveta muftiyev Rossii Rushana Abbasova i pervogo zamestitelya predsedatelya DUM Uzbekistana Xomidjona Ishmatbekova.
Rushan Abbasov Rossiya musulmonlari diniy yetakchisi, Muftiy shayx Ravil Gaynutdin nomidan salom yetkazdi.
Vstrecha pervogo zamestitelya predsedatelya Soveta muftiyev Rossii Rushana Abbasova i pervogo zamestitelya predsedatelya DUM Uzbekistana Xomidjona Ishmatbekova.
“Suhbat chog‘ida diniy, madaniy, fan, ta’lim va gumanitar sohalarda mavjud ikki tomonlama muloqot va aloqalar yuqori darajada ekani qayd etildi, shuningdek, hozirgi konstruktiv hamkorlikni mustahkamlashga xizmat qiladigan Hamkorlik shartnomasini imzolash imkoniyatlari muhokama qilindi”, - deyiladi xabarda.
Uchrashuv ishtirokchilari joriy yilda O‘zbekistonda “Ma’naviy ipak yo‘li” V xalqaro ilmiy-diniy konferensiyasiga tayyorgarlik ko‘rish va uni o‘tkazishga alohida e’tibor qaratdi.
Yakunda tomonlar bir-birlariga esdalik sovg‘alar taqdim etdi.