"Ular uchun bu daromad manbai": AQSh elitasining Ukrainadagi asl maqsadi fosh bo‘ldi

TOShKENT, 26 yanv - Sputnik. Amerika rasmiylari va korporatsiyalari Ukrainadagi mojaroni davom ettirishdan manfaatdor, chunki bu ular uchun daromad manbai, dedi Fox News telekanali boshlovchisi Taker Karlson.

Jurnalist aytishiga ko‘ra, AQSh prezidenti Jo Bayden ma’muriyati Kiyevni tinchlik kelishuviga undashi mumkin, lekin ular bu ishni qilmayapti. Oqibatda urush davom etmoqda va u allaqachon 100 minglab ukrainaliklarning hayotiga zomin bo‘ldi.

"Xo‘sh, nega ular urushni to‘xtatishni istamaydi? Chunki ular bundan mo‘may daromad olmoqda", - deydi Karlson.

Qo‘shma Shtatlar Ukraina mojarosi tufayli xorijga qurol sotishni ikki baravarga oshirdi.

Ukraina prezidenti Zelenskiy odatda sahna ortida qoladigan nomlarni, bilib yoki bilmasdan ochiqchasiga sanab o‘tdi.

Bular "BlackRock", "J.P. Morgan", "GoldmanSachs" kabi AQShning yirik qurilish va sarmoya kompaniyalaridir. Zelenskiyning so‘zlariga ko‘ra, "Ukrainaning tiklanishini real daromadlar va real investitsiyalar uchun yaxshi iqtisodiy imkoniyatdir", - deb Ukraina prezidenti so‘zlarini keltirdi boshlovchi.

"O‘ylab ko‘ring! Gap kimning puli haqida ketapti? Ukrainani qayta tiklash uchun sizniki, ya’ni AQSh soliq to‘lovchilarini, albatta. Bu yigitlar sizning hisobingizdan boyib ketishadi. Endi hamma narsa qanday ishlashini tushundingizmi?", - dedi Karlsson.

"Ha, ha, siz Ukrainada juda ko‘p pul topishingiz mumkin! Dunyoda eng korrupsiya rivojlangan mamlakatlardan biri - Ukrainada hamma narsa ana shunday ishlaydi. Tasodifmi yoki yo‘q, lekin hukumatimiz Ukrainani M1 Abrams tanklari bilan ta’minlashini tasdiqladi. Nima bo‘layotgani aniq emasmi? Men uchun hammasi juda aniq" - deya qo‘shimcha qildi Karlson.

Avvalroq AQShda bir necha siyosatshunoslar va iqtisodchilar va ommaviy axborot vositalari Qo‘shma Shtatlar Ukrainadagi mojarodan katta moliyaviy foyda ko‘rayotganiga ishora qilgan edi. Ta’kidlanishicha, Ukraina uchun ajratilgan o‘nlab milliard dollar hisobidan Amerika harbiy-sanoat majmuasi juda ko‘p buyurtmalar olgan va super daromad kutmoqda.