O‘zbekiston va Qirg‘iziston do‘stligi aks etgan arxiv suratlar

Sovet davrida ikki respublika, jumladan, madaniyat sohasida ham yaqin hamkorlik qilgan. Masalan, 1918-yilda Qirg‘izistonda Bobur nomidagi O‘sh davlat akademik o‘zbek musiqali drama teatriga asos solingan.

O‘zbekistonda 1969-yil sentabr oyida Qirg‘izistonning birinchi dekadasi, oradan bir yil o‘tib esa Qirg‘iziston SSRda qo‘shni respublika adabiyoti va san’ati dekadasi bo‘lib o‘tdi.

Toshkentda 1966-yil 26-aprel kuni sodir bo‘lgan dahshatli zilzila oqibatida boshpanasiz qolgan fuqarolarga butun Sovet Ittifoqi yordamga keldi. Qirg‘iziston o‘shanda poytaxtda 7 ta panel uy va bolalar bog‘chasi qurgan. Shu sababli dekada ikki xalqning chinakam do‘stlik va qardoshlik bayramiga aylandi.

1 / 16

O‘sh o‘zbek teatrining dekadasi. “Tohir va Zuhra” spektakli. 1948-yil.

2 / 16

O‘sh o‘zbek teatrining dekadasi. “Tohir va Zuhra” spektakli. 1948-yil.

3 / 16

Qirg‘iz adabiyoti va san’ati dekadasi ishtirokchilarining Toshkentga jo‘nab ketishi. Frunze, temir yo‘l stansiyasi, 1969-yil.

4 / 16

O‘zbekiston SSRda qirg‘iz adabiyoti va san’ati dekadasi. Toshkent, 1969-yil.

5 / 16

Qirg‘iziston Davlat opera va balet teatri solisti Bulat Minjilkiyev O‘zbekiston SSR qirg‘iz adabiyoti va san’ati dekadasining ochilish marosimidagi chiqishi. 1969-yil, Toshkent.

6 / 16

Qirg‘iziston Davlat akademik teatr va balet artistlari Qodirbek Chodronov va Gulkan Satayeva. 1969-yil, Toshkent.

7 / 16

Qirg‘iziston SSRda O‘zbekiston SSR adabiyoti va san’ati dekadasining tantanali ochilishi. Frunze. 1970-yil.

8 / 16

Qirg‘iziston SSRdagi O‘zbekiston SSR adabiyoti va san’ati dekadasi ishtirokchilari. O‘zbekiston SSR Qoraqalpog‘iston Avtonom Sovet Sotsialistik Respublikasi xalq artisti A.Dilxonova O‘sh viloyati Sovet tumani chorvadorlari bilan suhbatda. 1970-yil.

9 / 16

To‘qto‘g‘ul viloyatida o‘tkazilgan O‘zbekiston SSR adabiyoti va san’ati dekadasi ishtirokchilari. O‘sh viloyati, 1970-yil.

10 / 16

Tan-Shan viloyatida bo‘lib o‘tgan O‘zbekiston SSR adabiyoti va san’ati dekadasi ishtirokchilari. Norin viloyati, 1970-yil.

11 / 16

O‘zbekiston SSR adabiyoti va san’ati dekadasi ishtirokchilari. "Sevilya sartaroshi" operasidan sahna ko‘rinishi.

12 / 16

O‘zbekiston SSR xalq artisti Galiya Izmailova “Suhayl va Mehri” baletidan “Dilbar” raqsini ijro etmoqda. Opera va balet teatri, Frunze, 1970-yil.

13 / 16

“Surnay lazgisi” raqs suitasini “Lazgi” ansambli solistlari U.Xalmuhamedova, X.Fazova, T.G‘iyosov, A.Hoshimov ijro etmoqda. Opera va balet teatri, Frunze, 1970-yil.

14 / 16

O‘zbekiston SSR xalq artisti Bernara Qoriyeva va xizmat ko‘rsatgan artist V.Vasilev ijrosida “Oy nuri sonatasi”. Opera va balet teatri, Frunze, 1970-yil.

15 / 16

“Bahor” o‘zbek xalq raqs ansambli qirg‘iz raqsini ijro etmoqda. Opera va balet teatri, Frunze, 1970-yil.

16 / 16

“Samarqand bahori”ni “Bahor” o‘zbek xalq raqs ansambli ijro etmoqda. Opera va balet teatri, Frunze, 1970-yil.