TOShKENT, 21 yanv — Sputnik. Yevropa davlatlari Rossiya neftiga qarshi sanksiyalarni kuchaytirish orqali katta tavakkal qilmoqda. Bu haqda RIA Novosti Bloomberg agentligiga tayanib xabar berdi.
Shunday qilib, maqola muallifi Jek Vittelsning fikricha, Rossiyadan dizel yoqilg‘isi yetkazib berish bo‘yicha cheklovlar Yevropa davlatlari iqtisodiyotiga zarba berishi va mintaqada inflyatsiyani jilovlash vazifasini murakkablashtirishi mumkin.
“Agar yevropalik xaridorlar muqobil yoqilg‘i manbalarini topa olmasalar, sanksiyalar qishloq xo‘jaligi va avtomobil transporti kabi dizel yoqilg‘isiga qaram bo‘lgan sohalarda katta xarajatlarga olib keladi”, deyiladi xabarda.
Qayd etilishicha, Rossiya hamon YeI uchun dizel yoqilg‘isini eng yirik yetkazib beruvchi hisoblanadi.
“2022 yilda Rossiya portlaridan 220 million barrelga yaqin neft jo‘natilgan, bu 14 mingga yaqin olimpiya basseynlarini to‘ldirish uchun yetarli”, deya qayd etilgan.
Yevropa davlatlari Rossiyada katta hajmdagi neft mahsulotlarini, xususan, dizel yoqilg‘isini sotib oladi.
G‘arb matbuotiga ko‘ra, dekabr oyida ular mahsulotni 2016-yildan beri deyarli rekord hajmda xarid qilishgan. Yetkazib berishning yarmi Rossiya hissasiga to‘g‘ri keladi. Yevropa Ittifoqining Rossiyadan neft mahsulotlarini dengiz orqali olib kirishga qo‘ygan embargosi 5 fevraldan kuchga kiradi.