TOShKENT, 15 yanv — Sputnik. Samarqand viloyati hokimi Erkinjon Turdimov va Farg‘ona viloyati hokimi Xayrullo Bozorov polkovnik unvoni bilan taqdirlandi. O‘zbekiston mudofaa vaziri tegishli buyruqlarni imzolagan.
Turdimovga harbiy unvonni Markaziy harbiy okrug qo‘shinlari qo‘mondoni general-mayor Aybek Saidov, Bozorovga esa Sharqiy harbiy okrug qo‘shinlari qo‘mondoni, polkovnik Lutfulla Buzrukov tantanali ravishda topshirgan.
Erkinjon Turdimov
© O‘zbekiston Mudofaa vazirligi
Topshirish marosimi viloyatlarda Vatan himoyachilari kuniga bag‘ishlab o‘tkazilgan tadbirda bo‘lib o‘tgan.
Xayrullo Bozorov
© Farg‘ona viloyati hokimligi
Bozorov davlat mudofaa qobiliyatini mustahkamlash yo‘lida faol ishtiroki uchun I darajali "Namunali xizmati uchun" ko‘krak nishoni bilan ham taqdirlangan.