TOShKENT, 11 yanv — Sputnik. NATOning Yevropadagi kuchlarining sobiq qo‘mondoni, AQSh harbiy-dengiz kuchlarining iste’fodagi admirali Jeyms Stavridisning fikricha, Rossiya va Ukraina qishdan keyin tinchlik muzokaralariga qaytishi mumkin.
“Afsuski, muzokaralar olib borish mumkin bo‘lgan birinchi imkoniyat qishdan keyin paydo bo‘ladi”, - deya Stavridisning so‘zlarini keltirmoqda “Newsweek”.
Sobiq harbiyning so‘zlariga ko‘ra, muzokaralarga qaytish 2023-yil o‘rtalarida kutilmoqda.
Avvalroq Rossiya prezidentining matbuot kotibi Dmitriy Peskov Rossiya Ukraina muammosini muzokaralar yo‘li bilan hal qilishga tayyorligini, maqsadlarga tinch yo‘l bilan erishish afzalroq variant ekanini aytgandi. Biroq u Ukrainada Rossiya tomoni bilan muzokaralar olib borishni taqiqlovchi qonun mavjud ekan, muzokaralar o‘tkazishni imkoniyati yo‘qligini ta’kidlagandi.