TOShKENT, 20 dek — Sputnik. Surxondaryo viloyatining Termiz shahrida birinchi gastronomik festival va milliy taomlar yarmarkasi bo‘lib o‘tdi. Bu haqda Turizm va madaniy meros vazirligi matbuot xizmati xabar berdi.
V Surxandarye proshel gastronomicheskiy festival i yarmarka natsionalnoy kuxni.
Festival doirasida Surxondaryo viloyati Turizm va madaniy meros bosh boshqarmasi xodimlari, Termiz davlat universiteti professor-o‘qituvchilari, turizm yo‘nalishida tahsil olayotgan talabalar o‘z ish va loyihalarini taqdim etishdi.
V Surxandarye proshel gastronomicheskiy festival i yarmarka natsionalnoy kuxni.
Shuningdek, “Bolajon bo‘ki” istirohat bog‘i hududidagi ko‘chma sahnada ishtirokchilar tomonidan 20 dan ortiq turli noz-ne’matlar namoyish qilindi. Bundan tashqari, mahalliy hunarmandlar tomonidan viloyat hunarmandlarining mahsulotlari va esdalik sovg‘alari ko‘rgazmasi ham tashkil etildi.
Festivali yakunlariga ko‘ra, “Eng yaxshi dasturxon bezatish” nominatsiyasida Sariosiyo tumani oshpazlari g‘oliblikni qo‘lga kiritgan bo‘lsa, Qumqo‘rg‘on tumani ikkinchi, Muzrabot tumani esa uchinchi o‘rinni egalladi. “Milliy taomlarning eng yaxshi turi” nominatsiyasida esa Boysun tumani oshpazlari birinchi, Termiz viloyati oshpazlari ikkinchi, Termiz shahri oshpazlari esa uchinchi o‘ringa munosib ko‘rildi.
Festival konsert dasturi va g‘oliblarni taqdirlash marosimi bilan yakunlandi.