TOShKENT, 24 noya — Sputnik. O‘zbekiston Tibbiy-ijtimoiy xizmatlarni rivojlantirish agentligi va Rossiya Reabilitatsiya texnologiyalari va tibbiy-ijtimoiy akademiyasi o‘rtasida memarandum imzolandi. Hujjat tayanch-harakat tizimi patologiyasi bo‘lgan bolalarni reabilitatsiya qilish bo‘yicha hamkorlikni nazarda tutadi.
Aytilishicha, nogironligi bo‘lgan shaxslarni jamiyatning faol a’zosiga aylantirish, ularga to‘siqsiz muhit yaratish, avvalo, sifatli va zamonaviy tibbiy-ijtimoiy xizmat ko‘rsatish borasida qator ishlar amalga oshirilmoqda.
Ushbu ishlarni izchil davom ettirish maqsadida Rossiya Reabilitatsiya texnologiyalari va tibbiy-ijtimoiy akademiyasi bilan uchrashuv o‘tkazildi.
O‘zbekiston va Rossiya o‘rtasida hamkorlik memarandumi imzolandi
© O‘zbekiston Tibbiy-ijtimoiy xizmatlarni rivojlantirish agentligi
Uchrashuvda Rossiya Reabilitatsiya texnologiyalari va tibbiy-ijtimoiy akademiyasi direktori Tatyana Gusak kelajakda O‘zbekistondagi Reabilitatsiya markazlarining mutaxasislari bilan hamkorlikda amalga oshiriladigan ishlar haqida so‘z yuritdi.
O‘zbekiston va Rossiya o‘rtasida hamkorlik memarandumi imzolandi
© O‘zbekiston Tibbiy-ijtimoiy xizmatlarni rivojlantirish agentligi
Ma’lumot uchun, O‘zbekiston Tibbiy-ijtimoiy xizmatlarni rivojlantirish agentligi keksalar, nogironlar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar ko‘rsatish sohasida yagona davlat siyosatini yurituvchi davlat organi hisoblanadi.