TOShKENT, 31 okt — Sputnik. Hindistonning Gudjarat shtatidagi piyodalar ko‘prigi qulab tushdi, falokat vaqtida unda 500ga yaqin odam bo‘lgan, deb xabar bermoqda RIA Novosti.
Ta’kidlanishicha, Morbidagi Machxu to‘g‘onidagi ko‘prik so‘nggi ikki yil davomida yopilgan. U bir kun oldin ta’mirdan so‘ng qayta ochildi. Qulash vaqtida ko‘prikda 500 dan ortiq odam, jumladan, bolalar bo‘lgan.
"Hozircha biz 120 jasadni topdik. Qidiruv operatsiyasi davom etar ekan, qurbonlar soni ortishi mumkin", deydi Morbi shahri politsiyasi boshlig‘i P.Dekavadya.
Bundan 140-yil avval qurilgan, osma ko‘prik 26-oktabr kuni rekonstruksiyadan so‘ng qayta ochilgan.
"Ko‘prik o‘tgan hafta ta’mirlandi. Biz ham hayratdamiz. Biz bu masalani ko‘rib chiqapmiz", deydi Mehnat va bandlik davlat vaziri Briyesh Merja.
Bosh vazir Narendra Modi barcha zarur yordamni ko‘rsatishni buyurdi. Shuningdek, u halok bo‘lganlarning oilalariga 200 ming, yaradorlarga 50 ming rupiydan ajratishni topshirdi.
Mahalliy hokimiyat vakillarining so‘zlariga ko‘ra, yordam ko‘rsatish daroning kuchli oqimi, shuningdek, tungi vaqtda qiyinlashgan. Voqea joyiga Morbi va uning atrofidagi shaharlardan o‘t o‘chiruvchilar guruhlari jo‘natilgan.