TOShKENT, 30 okt - Sputnik AQSh Ukraina inqirozini muzokaralar orqali hal qilishga yordam berishi kerak, deb yozmoqda "The National Interest" jurnali sharhlovchisi Xyu De Santis.
Maqola muallifining aytishicha, aynan Oq uy Kiyevga bosim o‘tkazishga va qishda qolib ketgan muzokaralarni yana boshlashga ko‘ndira olishi mumkin.
“Vashington va uning ittifoqdoshlari Zelenskiyni muzokaralar boshlashga va harbiy harakatlarni to‘xtatishga ko‘ndirishi kerak, shuningdek, Zelenskiyga G‘arbning xavfsizlik borasida Ukrainadan boshqa manfaatlari borligini ham ham tan olishi kerak”, - deb yozadi jurnalist.
Shuningdek, muallif Jo Baydenning dunyo mamlakatlarini demokratiya va avtokratiyaga bo‘ladigan xato “ikki tarkibli siyosati” Moskva bilan muzokaralarning naqadar muhimligini ortga surib turmoqda. Muloqotga AQShning gegemon roliga berilgan odati ham xalal bermoqda.
“Amerikaliklar AQShni xaloskor mamlakat deb hisoblar ekan, ular ko‘p qutblashayotgan hozirgi davrda ham qoidalarini o‘tkazishmoqchi bo‘lishadi. Amerika endi hukmronlik qilmayotgan bir paytda Ukraina kabi inqirozli vaziyatlarda murakkab tanlov qilishga to‘g‘ri keladi”, - deydi De Santis.
Avvalroq AQShning sobiq prezidenti Donald Tramp Ukrainadagi mojaroni yakunlash uchun zudlik bilan muzokaralar boshlash kerakligini aytgandi.
Rossiya 24-fevraldan buyon Ukrainada maxsus harbiy operatsiya olib bormoqda. Vladimir Putin “sakkiz yil davomida Kiyev rejimi tomonidan genotsidga uchragan odamlarni himoya qilish” maxsus operatsiyaning asosiy maqsadi ekanini aytgan.