Bu qiziq

Oshqovoqning ko‘pchilikka ma’lum bo‘lmagan foydali xususiyatlari

Amerikalik parhezshunoslarning aytishicha, oshqovoq ortiqcha vazndan xalos bo‘lishga yordam beradi
Sputnik
Amerikalik parhezshunoslar oshqovoqning foydali xususiyatlari haqida ma’lum qilishdi. Mutaxassislarning so‘zlarini Fox News nashri keltirgan.
Shifokor Kristi Ganonning fikricha, ko‘proq oshqovoq iste’mol qilish katarakta (ko‘z gavharining xiralashishi) xavfini oldini oladi. Shu bilan birgalikda mushak to‘qimalari, suyaklarni mustahkamlaydi.
Yana bir parhezshunos Makkanzi Berdjessning qo‘shimcha qilishicha, oshqovoq ozishda foydali, chunki u asosan suvdan tashkil topgan. Unda kaloriyalar kam, ammo shunga qaramay ozuqaviy moddalari ko‘p.
Oshqovoq tarkibidagi S vitamini immun hujayralariga zararli bakteriyalardan xalos bo‘lishga yordam beradi. Kaliy esa organizmda suyuqlik va minerallar miqdorini muvozanatlashtiradi, qon bosimini meyorda ushlaydi.

Mutaxassislarning aytishicha, oshqovoq kletchatkaga boy. U xolesterin miqdorini kamaytiradi. Bundan tashqari, oshqovoq urug‘i tarkibida antioksidantlar, magniy, temir, rux va marganes moddalari bo‘lib organizm qarish jarayonini sekinlashtiradi.