TOShKENT, 5 okt — Sputnik. Ukrainaning rusiyzabon aholiga nisbatan sodir etgan jinoyatlarini e’tiborsiz qoldirib, ularni amalga oshirish uchun Kiyevni qurol-yarog‘ bilan ta’minlab, G‘arb haqiqatda bu jinoyatlarga sherik bo‘lib qoladi. Bu haqda Rossiya Federatsiyasining BMT Inson huquqlari kengashidagi vakili ma’lum qildi.
“Siz yetkazgan qurollarning har bir shunday zarbasi natijasida tinch aholi va bolalar halok bo‘ldi va halok bo‘lishda davom etmoqda. Ushbu qurolni taqdim etish orqali siz Ukraina hukumati va harbiylarining harbiy jinoyatlariga sherik bo‘lasiz”, dedi diplomat.
Uning qo‘shimcha qilishicha, Inson huquqlari kengashi inson huquqlari yo‘nalishida G‘arb siyosatini ilgari surish vositasiga aylangan.
“Siz Ukrainaning rusiyzabon aholisiga nisbatan Kiyev tomonidan rasmiy mafkura darajasiga kiritilgan nafratli ritorika va repressiyalarga ikkiyuzlamachilik bilan e’tibor bermaslikda davom etapsiz. Siz hech qachon Donesk markaziga, DXR va LXRdagi fuqarolik obyektlariga, Zaporojye atom elektr stansiyasiga, Rossiyadagi fuqarolik infratuzilmasiga qilingan hujumlarni qoralamagansiz”, deya qo‘shimcha qildi diplomatik missiya a’zosi.
Avvalroq Rossiya Ukrainaga qurol yetkazib berilgani uchun NATO davlatlariga nota yuborgan edi. Rossiya tashqi ishlar vaziri Sergey Lavrov Ukraina uchun qurol bo‘lgan har qanday yuk Rossiya uchun qonuniy nishonga aylanishini ta’kidladi. Rossiya tashqi ishlar vazirligi NATO davlatlari Ukrainaga qurol yetkazib berish orqali “o‘t bilan o‘ynamoqda”, deb ta’kidladi. Rossiya Federatsiyasi Prezidentining matbuot kotibi Dmitriy Peskov Ukrainaga G‘arbdan qurol-yarog‘ yetkazib berish Rossiya-Ukraina muzokaralarining muvaffaqiyatiga hissa qo‘shmasligi va salbiy ta’sir ko‘rsatishini ta’kidladi.