TOShKENT, 2 okt — Sputnik. Turkiyaning Istanbul shahrida nogiron-amputantlar o‘rtasida Jahon chempionati o‘tkazilmoqda.
Jahon chempionati ilk turida O‘zbekiston nogiron-amputantlar terma jamoasi Polsha jamoasini 3:1 hisobida mag‘lubiyatga uchratdi.
Gollarga terma jamoa a’zolari Haydarali Tursunboyev, Qudrat Xudoyqulov, Aziz Abdurahmonov mualliflik qilishdi.
Eslatib o‘tamiz, Polshani mag‘lubiyatga uchratgan O‘zbekiston terma jamoasi "E" guruhidan Ispaniya va Tanzaniya terma jamoalariga qarshi bahs olib boradi.
Qayd etish joizki, O‘zbekiston nogiron-amputantlar terma jamoasi besh karra jahon chempioni sanaladi. Jumladan, 1990 (AQSh), 1991 (O‘zbekiston), 2007 (Turkiya), 2010 (Argentina) hamda 2012 (Rossiya) yilgi jahon chempionatlarida oltin medallarni qo‘lga kiritgan.