TOShKENT, 11 sen — Sputnik. 2022 yilning yanvar-avgust oylarida O‘zbekistonga kelgan chet el fuqarolarining asosiy qismining - 2 million 731 ming kishi - safardan maqsadi qarindoshlarini yo‘qlash bo‘lgan. Bu haqda Davlat statistika qo‘mitasi matbuot xizmati xabar berdi.
Avgust oyining o‘zida 577,4 ming nafar xorijlik qarindoshlarini yo‘qlash uchun O‘zbekistonga kelgan.
Sakkiz oy davomida mamlakatga kelgan chet el fuqarolarining qolgan safar maqsadlari:
xizmat yuzasidan — 44,5 ming (avgust oyida 7,7 ming nafar);
davolanish — 50,5 ming kishi (avgust oyida 6,1 ming nafar);
tijorat — 11,2 ming kishi (avgust oyida 2,2 ming nafar);
o‘qish maqsadida — 2,9 ming kishi (avgust oyida 0,5 ming nafar).
Eslatib o‘tamiz, yanvar-avgust oylarida 3 mln nafar chet el fuqarolari turistik maqsadlarda O‘zbekistonga kelgan.