O‘zbekistonda magnit bo‘roni kuzatiladi – O‘zgidromet

TOShKENT, 5 sen — Sputnik. Bugun O‘zbekistonda tush payti 5 ballik magnit bo‘ronlari kuzatilishi prognoz qilinmoqda.

O‘zgidrometning Meteoinfokom tuzilmasi magnit bo‘ronining G3 darajaga ega 5 ballik xavfini e’lon qilmoqda.

Qayd etilishicha, o‘tgan hafta quyoshda 24 ta kuchli quyosh chaqnashi kuzatildi. 2 ta o‘ta aktiv zona rivojlandi.

Quyosh sirtidagi mazkur chaqnashlar Yerda magnit bo‘roni xavflilik darajasini oshirishi tabiiy.

Ma’lumot uchun, bu tabiat hodisasi aloqa, elektr tarmoqlari, navigatsiya tizimi bilan birga, inson salomatligiga ham salbiy ta’sir ko‘rsatishi mumkin.

Bundan surunkali xastaliklarga chalingan, o‘rta va katta yoshli insonlar, ayniqsa, yurak ishemik kasalligi bilan og‘rigan yoki miokard infarkt, insultni boshdan o‘tkazgan bemorlar ko‘proq aziyat chekadi.

Chunki quyosh chaqnashlari tufayli hosil bo‘lgan magnit maydoni gipertoniklarda qon bosimi oshishi, gipotoniklarda esa aksincha, qon bosimi pasayishiga sabab bo‘ladi.