TOShKENT, 29 avg — Sputnik. Oksana Chusovitinaning Tokio-2020 Olimpiadasida ishtirok etgan ekipirovkasi Lozannadagi Olimpiya muzeyidan o‘rin oldi. Bu haqida Milliy olimpiya qo‘mitasi xabar berdi.
Aytilishicha, Chusovitina sakkizinchi Olimpiadasidan so‘ng uni esdalik uchun muzeyga taqdim qilgan.
Oksana Chusovitina
© Milliy olimpiya qo‘mitasi
Ushbu muzeydan zamonaviy Olimpiya o‘yinlariga oid eng qimmatli ma’lumot va eksponatlar joy olgan bo‘lib, unga yiliga taxminan 250 ming nafar inson tashrif buyuradi.
Ma’lumot uchun, Oksana Chusovitina 8-marta Olimpiya o‘yinlarida ishtirok etib, gimnastika tarixi va “Ginnessning rekordlari” kitobiga kiritilgan.