Tibbiyot fanlari nomzodi, shifokor-parhezshunos Yelena Solomatina qovun va tarvuzning foydali xususiyatlarini aytdi
“Tarvuz tarkibida likopin ko‘p. Shuning uchun u qizil rangda. Likopin kuchli antioksidant bo‘lib, organizmni erta qarishdan asraydi. Yurak-qon tomir tizimi uchun foydali, saraton kasalliklarining oldini oladi va yallig‘lanishlarni bartaraf etadi. Qovunda esa S vitamini to‘rt barobar ko‘p. Bu vitamin ham antioksidant hisoblanadi. Xuddi likopin kabi S vitamini ham organizm qarishini sekinlashtiradi, saraton o‘smalari rivojlanishiga yo‘l qo‘ymaydi”.
Shuningdek, mutaxassisning aytishicha, qovun tarkibida yana bir kuchli antioksidant-beta karotin bor. Agar qovun to‘q sariq rangda bo‘lsa, demak unda beto-karotin antioksidanti shuncha ko‘p bo‘ladi.
Shifokorning aytishicha, ikkala meva ham tetiklantiruvchi xususiyatga ega.
“Tarvuz tarkibida sitrullin aminokislotasi bor. Bu modda sportchilar uchun biologik faol qo‘shimcha sifatida sotiladi. Sitrullin chidamlilikni oshiradi, qon aylanishini yaxshilaydi, mushaklarni shikastlanishlardan asraydi. Qovun tarkibida esa seratonin- ya’ni rohat gormoni bor”, - deydi Solomatina.
Ikkala meva tarkibida ham magniy, kaliy mavjud. Kaliy yurakka zarur, magniy esa qon bosimi oshmasligi uchun tomirlar salomatligi uchun muhim. Shuningdek, magniy moddasi suyaklar salomatligida ham ahamiyatli.