TOShKENT, 25 avg – Sputnik. AQSh ukrainalik millatchi polki "Azov"* ustidan sud boshlanishiga qarshilik qilishining sababi - Vashington Azov*ning g‘ayriinsoniy jinoyatlari haqidagi faktlar butun dunyoga fosh bo‘lshidan qo‘rqadi. Bu haqida Rossiyaning AQShdagi elchixonasi ma’lum qilmoqda.
DXR rahbari Denis Pushilin avvalroq ular respublikadagi harbiy jinoyatchilar uchun xalqaro tribunalni kechiktirish niyatida emasligini ma’lum qilgandi. Uning qayd etishicha, DXR Tashqi ishlar vazirligi tribunalda ishtirok etish uchun xalqaro hamjamiyat vakillarini jalb etish ustida ishlamoqda.
"Biz Ukraina harbiy jinoyatchilari ustidan tribunal o‘tkazish bilan bog‘liq yana bir asossiz ayblovlarga e’tibor qaratdik. Bo‘lajak sud harbiy jinoyatchilarga nisbatan adolat o‘rnatish uchun mo‘ljallangan, ular orasida Azov* polkining natsistlari ham bor. Vashington ushbu terrorchilik tashkiloti a’zolarining g‘ayriinsoniy xatti-harakatlari to‘g‘risida guvohlik beruvchi faktlarni oshkora e’lon qilishdan qo‘rqishi aniq”, - deya ta’kidladi diplomatik missiya.
Shuningdek, diplomatlar Mariupol tribunali “Kiyev rejimining asl mohiyatini yoritib bera olishiga” ishonch bildirishgan.
Bundan tashqari, elchixona Rossiya va DXR Ukraina qo‘shinlari asirlarini saqlashda Jeneva konvensiyasi talablariga to‘liq rioya qilinayotganini alohida ta’kidlab o‘tgan.
* Rossiyada taqiqlangan terrorchi tashkiloti