Umumiy ovqatlanish korxonalari uchun yangi gigiyenik talablar o‘rnatildi

TOShKENT, 24 avg — Sputnik. O‘zbekistonda umumiy ovqatlanish korxonalari uchun yangi sanitariya-gigiyena talablari o‘rnatilmoqda. Bu Sanitariya-epidemiologiya xizmati tomonidan ishlab chiqilgan yangi tahrirdagi “Umumiy ovqatlanish korxonalariga qo‘yiladigan sanitariya-gigiyena talablari”da belgilangan va u Adliya vazirligi tomonidan hisobga olingan.

Ushbu yangi talablar bilan tadbirkorlar faoliyatiga to‘sqinlik qiluvchi ayrim talablar (suv ta’minoti bo‘lmaganda korxona faoliyatini to‘xtatishi, ovqat tayyorlashda ko‘mir va o‘tindan foydalanishni taqiqlash) bekor qilindi.

· umumiy ovqatlanish korxonalarida ichimlik suvi bilan ta’minlash markazlashtirilgan suv ta’minoti tizimiga ulanish yo‘li bilan amalga oshirilishi;

· markazlashtirilgan suv ta’minoti bo‘lmaganda, ichki suv ta’minoti artezian qudug‘idan, boshqa quduqlardan yoki kaptajlardan foydalanish;

· chiqindi maydonchasini belgilangan masofada joylashtirish imkoni bo‘lmaganda, chiqindilar korxonalarning sovitish tizimi, yuvish va dezinfeksiyalash imkoni bo‘lgan alohida xonasida saqlanishiga yo‘l qo‘yilishi.

· texnologik jarayon talablariga rioya qilishni ta’minlash imkoniyati mavjud bo‘lmaganda mahsulot tayyorlash;

· yaroqlilik muddati o‘tgan, sifatsiz yoki sifati bo‘yicha shubhali, buzilish belgilari bo‘lgan mahsulotlardan foydalanish;

· germetik idishlarda sabzavotli, go‘shtli, baliqli, qo‘ziqorinli konservalar tayyorlash;

· quritilgan va dudlangan baliq tayyorlash va quritilgan qo‘ziqorinlar tayyorlash.

· zargarlik buyumlari, soatlar yechilishi;

· sochlar ro‘mol yoki qalpoq ostiga yig‘ilishi;

· toza sanitariya kiyimlari kiyilishi;

· qo‘llar iliq suvda sovun bilan yuvilishi va dezinfeksiyalovchi vositalar bilan ishlov berilishi, tirnoqlar olingan va lak surilmagan bo‘lishi kerak.