Sefalgolog va otonevrolog Anna Latsinovaning aytishicha, bosh og‘rig‘ini yengish uchun eng samarali yo‘l - uyqu rejimini to‘g‘ri yo‘lga qo‘yish. Kam uxlash yoki aksincha ko‘p uxlash - migrenga sabab bo‘luvchi asosiy sabablardan biri. Biroq, bosh og‘rig‘iga faqat uyqu emas, ish, dam olish va hatto ovqat iste’mol qilish vaqtlari ham ta’sir qilishi mumkin.
Ko‘pchilik uchun sevimli ichimlik qahva ham boshda yoqimsiz og‘riqlarga sabab bo‘ladi. Shifokorning so‘zlariga ko‘ra, ichimlikni bir kunda to‘rt finjondan ko‘p iste’mol qilmaslik kerak. Xususan, jismoniy zo‘riqishlar ham bosh og‘rig‘ini keltirib chiqaradi.
“Boshda og‘riq boshlanganda sport bilan shug‘ullanish mumkin emas. Biroq, aerobika mashqlari uni oldini olishda yaxshi samara beradi”, - deydi shifokor.
Surunkali og‘riqda esa mutaxassis kognitiv-xulq-atvor terapiyasi kurslarida davolanishni tavsiya qildi. Bunday terapiya nerv zo‘riqishlari va stressda ijobiy ta’sir ko‘rsatadi.