TOShKENT, 7 avg — Sputnik. O‘zbekstonlik professional bokschi Bektemir Meliqo‘ziyev AQShning Texas shtatida o‘zining navbatdagi jangini o‘tkazdi.
Professional boksning super o‘rta (-76,2 kg) vazn toifasida harakat qilayotgan Meliqo‘ziyevga bosniyalik Sladan Yanyanin raqiblik qildi.
O‘zbekistonlik bokschi birinchi raunddayoq raqibini nokdaun holatiga tushirdi. Ikkinchi raundda ham ustunlik Meliqo‘ziyev tomonida bo‘ldi. Uchinchi raundda referi Meliqo‘ziyevning ketma-ket zarbalaridan keyin jangni to‘xtatdi va texnik nokautni qayd etdi.
Shu tariqa Meliqo‘ziyev professional faoliyatidagi 10-g‘alabasini qo‘lga kiritdi.