TOShKENT, 7 avg — Sputnik. "ArMI-2022" Xalqaro armiya o‘yinlarining “Xavfsiz muhit” yo‘nalishidagi musobaqalarda ishtirok etuvchi barcha jamoalar Markaziy harbiy okrugning Samarqanddagi "Sazagan" dala-o‘quv maydonida yetib kelishdi. Bu haqda O‘zbekiston Mudofaa vazirligi matbuot xizmati xabar bermoqda.
Kecha, 6-avgust kuni ushbu musobaqada ishtirok etuvchi oxirgi davlatlar — Rossiya va Belarus jamoalari Xonobod aerodromida kutib olinib, dala o‘quv maydoniga joylashtirildi.
Dala-o‘quv maydonida mehmonlar tantanali ravishda o‘zbekona urf-odatlarga ko‘ra kutib olindi hamda saf maydonida davlatlarning davlat madhiyasi yangradi va bayroqlar ko‘tarildi.
Shuningdek, "ArMI-2021" doirasidagi musobaqada g‘olib bo‘lgan Xitoy jamoasi tashkilotchi bo‘lgan O‘zbekiston tomoniga “Xavfsiz muhit” musobaqasining ko‘chma kubogini topshirdi.
“Xavfsiz muhit” musobaqasi ko‘chma kubogi
© Foto: O‘zbekiston Mudofaa vazirligi
Bu musobaqada O‘zbekiston, Rossiya, Belarus, Eron, Xitoy va Vyetnam harbiy jamoalari o‘zaro bellashishadi.
"ArMI-2022" Xalqaro armiya o‘yinlari 13-avgustidan 27-avgust kuniga qadar dunyoning 12 ta davlat hududida o‘tkaziladi. Bu yil O‘zbekistonda ilk bor birdaniga 5 ta yo‘nalishdagi musobaqalar o‘tkaziladi.