TOShKENT, 20-iyul — Sputnik. Xitoy shimoli-g‘arbidagi Ninsya-Xuey avtonom tumanidagi Inchuan shahar okrugida bubonli vabo bilan kasallanish holati aniqlandi. Bu haqda “Sinxua” agentligi vaboning oldini olish va unga qarshi kurashish bo‘yicha mintaqaviy shtabga tayanib xabar bergan.
Agentlikning manbaga tayanib xabar berishicha, bemor Inchuanga Ichki Mo‘g‘uliston avtonom tumanidan qaytgan.
Agentlik ma’lumotlariga ko‘ra, Ninsya-Xueyda vaboning oldini olish va unga qarshi kurashish bo‘yicha favqulodda chora-tadbirlarning to‘rtinchi darajasi joriy qilingan.
Ma’lumot o‘rnida, vabo - o‘lim darajasi yuqori bo‘lgan o‘tkir yuqumli kasallik.U, asosan kemiruvchilarning mo‘ynasida yashaydigan burgalar orqali tarqaladi.