TOShKENT, 29-iyun — Sputnik. O‘zbekiston davlat konservatoriyasi magistranti Go‘zal Abdullayeva MDH davlatlari o‘rtasida o‘tkazilgan tanlovda yosh olimlar safidan joy oldi. Bu haqda Madaniyat vazirligi xabar berdi.
Qozog‘istonning Nur-Sultan shahrida MDH davlatlari o‘rtasida "Eng yaxshi yosh olim-2022" xalqaro tanlovi bo‘lib o‘tdi.
Unda Go‘zal Abdullayeva o‘zbek operasi (M.Bafoyevning "Hamsa") tahliliga bag‘ishlangan ilmiy maqolasi bilan qatnashdi.
Tanlov natijalariga ko‘ra, u “San’at” yo‘nalishida diplom, guvohnoma va ko‘krak nishoni bilan taqdirlandi.
Uning maqolasi “Eng yaxshi yosh olim-2022” nomli MDH davlatlarining V xalqaro kitobida chop etildi.
Ma’lumot uchun, Go‘zal Abdullayeva "Kelajak bunyodkori" medali sohibasi hisoblanadi.