TOShKENT, 5 apr — Sputnik. Ikki yillik tanaffusdan so‘ng Toshkent—Parij—Toshkent yo‘nalishi bo‘yicha muntazam aviaqatnovlar tiklanmoqda. Bu haqda “Uzbekistan Airways” matbuot xizmati xabar qildi.
Aviakompaniya xabariga ko‘ra, parvozlar 29-apreldan 10-iyunga qadar haftasiga ikki marta — seshanba va juma kunlari amalga oshiriladi.
Eslatib o‘tamiz, O‘zbekiston koronavirusning kirib kelishi oldini olish maqsadida 2020-yilning mart oyida Yevropaning qator davlatlari, jumladan, Fransiya bilan aviaqatnovlarni vaqtincha to‘xtatgan edi.