TOShKENT, 23-mart – Sputnik. Butunrossiya jamoatchilik fikrini o‘rganish markazi (VSIOM) ma’lumotlariga ko‘ra, Rossiyaning Ukrainadagi maxsus harbiy operatsiyasini mamlakat fuqarolari orasida qo‘llab-quvvatlash 3 hafta ichida yana 8 %ga oshgan.
Endi maxsus operatsiya o‘tkazish to‘g‘risidagi qarorni respondentlarning 74 % qo‘llab-quvvatlamoqda. So‘rovda ishtirok etganlarning 9 % ushbu savolga javob berishga qiynalgan. Respondentlarning 17 % bu - salbiy munosabat bildirgan.
So‘rovda ishtirok etganlarning 46 % maxsus operatsiyadan asosiy maqsad - Rossiyani himoya qilish, Ukrainani qurolsizlantirish va u yerda NATO harbiy bazalarining joylashishiga yo‘l qo‘ymaslik deb hisoblaydi. Ukrainaning siyosiy yo‘nalishini o‘zgartirish va uni natsistlardan tozalash - 19%, Donbass aholisini himoya qilish - 17% .
Rossiyaliklarning aksariyati (61%) rasmiylarning xatti-harakatlari sanksiyalarning salbiy oqibatlarini kamaytirishga yordam beradi, deb hisoblaydi, yana 15 % bu savolga javob berishga qiynalgan va rossiyaliklarning chorak qismi bu choralar samarali bo‘lmaydi, deb hisoblaydi.
Respondentlarning to‘rtdan uch qismi yaqin kelajakda o‘z hududida ommaviy norozilik namoyishlari bo‘lishi ehtimoldan yiroq, deb hisoblasa, 18 % bunday harakatlar ehtimolini tan olgan. Shu bilan birga, respondentlarning aksariyati (85%) norozilik aksiyasiga bormasliklarini aytishgan.
Eslatib o‘tamiz, Rossiya 24-fevral kuni Ukrainada maxsus harbiy operatsiya boshlanganini e’lon qildi. Prezident Vladimir Putin ushbu operatsiyaning maqsadi Ukrainani okkupatsiya qilish emas "sakkiz yil davomida Kiyev rejimi tomonidan bezorilik va genotsidga uchragan odamlarni himoya qilish" deb atagan. Buning uchun, “Ukrainani demilitarizatsiya va denatsifikatsiya” qilish talab etiladi. Donbassdagi “tinch aholiga qarshi qonli jinoyatlar” uchun javobgar bo‘lgan barcha harbiy jinoyatchilarni javobgarlikka tortish rejalashtirilgan.
Rossiya Mudofaa vazirligi ma’lumotlariga ko‘ra, Qurolli kuchlar faqat harbiy infratuzilma va Ukraina qo‘shinlariga zarba beradi. Tinya aholi turar joylariga, shaharlarga zarba berilmaydi.