TOShKENT, 9 mar — Sputnik. Ukrainaga bormoqchi bo‘lgan AQSh fuqarolari vasiyatnoma tuzishlari va tibbiyot muassasiga o‘zining DNK namunalarini taqdim etishlari kerak. Tegishli tavsiyanoma Amerika Davlat departamenti saytida chop qilingan.
“Qurolli mojaro va koronavirus sabab Ukrainaga bormang. Agar bu xavfsiz bo‘lsa, har qanday tijoriy yoki boshqa shaxsiy yerusti transportidan foydalanib, Ukrainadagi AQSh fuqarolari zudlik bilan ketishlari kerak”, - deyilgan xabarda.
Shuningdek, unda Ukrainaga bormaslik tavsiyasini inobatga olmaslikka qaror qilganlar safar oldidan bir qator ishlarni qilishlari darkorligi ko‘rsatilgan. Jumladan, vasiyatnoma tuzishlari, yaqinlari bilan bolalarga vasiylik qilish, uy hayvonlarini parvarish qilish, mol-mulkka egalik qilish rejalari hamda qarindoshlarga muhim hujjatlar va shaxsiy ma’lumotlarni berish masalalarini muhokama qilish tavsiya qilingan. Bundan tashqari, amerikaliklarga tibbiyot muassasiga o‘zining DNK namunalarini taqdim etish maslahat berilgan.
Eslatib o‘tamiz, Rossiya prezidenti Vladimir Putin Donesk va Lugansk respublikalari so‘roviga binoan ushbu ikki respublikani tan olish to‘g‘risida farmonni imzolagan edi. 24-fevral kuni erta tongda esa Ukrainani qurolsizlantirish va millatchilardan tozalash bo‘yicha harbiy operatsiya boshlandi. Rossiya Mudofaa vazirligi xabariga ko‘ra, zarbalar faqat harbiy infratuzilma va o‘q-dori omborlariga berilmoqda, tinch aholi turar joylari va shaharlarga zarba berilgani yo‘q. Ikkala tomondan ham qurbonlar bor.