TOShKENT, 5 mar — Sputnik. Rossiya prezidenti Vladimir Putin Ukrainada maxsus harbiy operatsiya o‘tkazish to‘g‘risidagi qaror og‘ir bo‘lganini ma’lum qildi.
“Men bu haqda operatsiya boshlanganida aytgandim va bu qaror qabul qilinguniga qadar gapirgandim. Og‘ir qaror, hech qanday shubhasiz ”, - dedi Putin Rossiya aviakompaniyalarining uchuvchi ayol xodimlari bilan uchrashuvda.
Rossiyaning Donbassdagi maxsus harbiy operatsiyasi
21 fevral kuni Rossiya prezidenti Vladimir Putin DXR va LXR rahbarlarining ular suverenitetini tan olishni so‘rab qilgan murojaatlariga javoban tegishli farmonlarga imzo chekdi. 24-fevral kuni esa Donbass hududida maxsus harbiy operatsiya boshlanganini e’lon qildi. Ushbu maxsus harbiy operatsiyaning maqsadi – Ukrainadagi harbiy infratuzilmani yo‘q qilish va uni millatchilardan tozalash.
Rossiya Mudofaa vazirligi xabariga ko‘ra, Rossiya Qurolli kuchlari aniq nishonga oluvchi qurollar yordamida Ukraina hududidagi harbiy obyektlarni yo‘q qilmoqda, shaharlariga, tinch aholiga zarba berilgani yo‘q.