TOShKENT, 1 mar — Sputnik. 1-mart kuni ilk marotaba Olmaota – Namangan – Olmaota yo‘nalishida aviaqatnov amalga oshirildi. Bu haqda Namangan viloyati hokimligi matbuot xizmati xabar bermoqda.
Bu reysni Qozog‘istonning “FlyArystan” aviakompaniyasi bajargan. A-320 rusumli havo kemasi Namangandan Olmaotaga shahriga 180 nafar yo‘lovchini eltib qo‘ygan.
Namangan xalqaro aeroportidan 8-fevraldan boshlab Dog‘istonning Maxachkala shahriga yangi aviaqatnov yo‘lga qo‘yilgan edi.