TOShKENT, 5 dek — Sputnik. Ijtimoiy tarmoqlarda daraxtlar atrofi betonlangani aks etgan suratlar tarqaldi.
Ekologiya qo‘mitasi axborot xizmatining xabar qilishicha, bu holatni Jizzax viloyati boshqarmasi o‘rganib chiqqan.
Mirzacho‘l tumani Gagarin shaharchasi Do‘stlik mahallasi Xalqlar Do‘stligi ko‘chasining ikki tomoniga ekilgan 75 tup daraxt atrofi "Fayz-Baraka" MChJ xodimlari tomonidan yo‘lak qurish ishlari davomida betonlab yuborilgani aniqlangan.
“Daraxtlarning barchasi 38 tup archa, 7 tup yasin, 1 tup tut, 1 tup akatsiya, 1 tup gilos, 4 tup qayrag‘och, 7 tup eldor qarag‘ayi, 12 tup aylan daraxtlarining tagidagi betonlar buzib olindi va ularning tagi yumshatilib, parvarish qilindi”, - deyilgan xabarda.
1 / 4
© Foto: Goskomekologii Uzbekistana
Korxonaning bunga yo‘l qo‘ygan xodimlariga nisbatan rasmiy bayonnoma rasmiylashtirilib, jarima belgilandi.
29 Noyabr 2021, 20:45