TOShKENT, 2 dek – Sputnik. Bugun, 2-dekabr kuni, Namangan xalqaro aeroportiga Rossiyaning “Smartavia” aviakompaniyasi havo kemasi ilk marotaba muntazam parvozini amalga oshirdi, deb xabar qilmoqda aeroport matbuot xizmati.
Boeing-737 samolyotida 137 nafar yo‘lovchi Sankt-Peterburgdan Namanganga olib kelingan.
Ta’kidlanishicha, aviakompaniya haftaning har payshanba kuni Sankt-Peterburg-Namangan-Sankt-Peterburg yo‘nalishida muntazam parvozlarni amalga oshiradi.
“Smartavia” aviakompaniyasi Namanganga bugunga qadar faqat charter reyslarini amalga oshirib kelgan.