TOShKENT, 1 noya — Sputnik. Serbiyaning Belgrad shahrida bo‘lib o‘tayotgan boks bo‘yicha erkaklar o‘rtasidagi Jahon chempionatida Madiyor Saidrahimov, Lazizbek Mullajonov, Abdumalik Halokov chorak finalga yo‘l olishdi.
-92 kg vazn toifasida harakat qilayotgan Madiyor Saidrahimov qozog‘istonlik raqibi Aybek Oralbay ustidan 4:1 hisobida ustun keldi.
Boksor Madiyor Saidraximov
© Press-slujba Federatsii boksa Uzbekistana
Shu tariqa Saidrahimov chorak finalga yo‘l oldi va u yerda angliyalik Lyuis Uilyamsga qarshi jang qiladi.
+92 kg vazn toifasida O‘zbekiston sharafini himoya qilayotgan Lazizbek Mullajonov nimchorak finalda angliyalik Delisius Oryega qarshi ringga chiqdi. Lazizbek 5:0 hisobidagi g‘alabani qo‘lga kiritib, chorak finalga yo‘l oldi.
Boksor Lazizbek Mullojonov
© Press-slujba Federatsii boksa Uzbekistana
Endi u chorak finalda armanistonlik Chaloyan Davit bilan yuzlashadi.
-60 kg vazn toifasi vakili Abdumalik Halokov nimchorak finalda sloveniyalik bokschi Tadey Chernoga imkon qoldirmadi va chorak final yo‘llanmasiga ega chiqdi.
Boksor Abdumalik Xalakov
© Press-slujba Federatsii boksa Uzbekistana
Halokov chorak finalda rossiyalik Vsevolod Shumkovga qarshi jang o‘tkazadi.
Avvalroq Shahobiddin Zoirov yaponiyalik Tomoya Suboiga imkoniyatni boy berib, chorak final yo‘llanmasidan quruq qolgan edi.