TOShKENT, 28 okt — Sputnik. Rossiya TIV rasmiy vakili Mariya Zaxarova Afg‘onistondagi siyosiy kuchlar o‘rtasida o‘tkir tus olgan vaziyatga sharh berdi.
Afg‘on jamiyatining qochqin yetakchilari, xususan, marshal Abdul-Rashid Do‘stum va Atto Muhammadiy Nurlar tomonidan e’lon qilingan Milliy qarama-qarshilik oliy kengashi tuzilgani to‘g‘risida deklaratsiya e’lon qilingach, Rossiya afg‘on kuchlarini mamlakatda ziddiyatni kuchaytirmaslikka chaqirdi.
"Biz Afg‘onistondagi barcha etnosiyosiy kuchlarni jangovar ritorikadan voz kechishga va milliy yarashuv jarayoni yakuniga yetishi uchun bor harakatlarni ishga solishga chaqiramiz", - deya ta’kidladi diplomat.
RF TIV shuningdek, Afg‘oniston aholisi tomonidan mamlakatdagi holatga jahon hamjamiyati e’tiborini jalb qilish istagida o‘tkazayotgan tinch mitinglarga urg‘u berdi.
"Biz ushbu murojaatlar e’tiborsiz qolmasligi kerak, degan fikrdamiz, muzlatilgan pullar mamlakatga berilishi lozim, pullar aholining birinchi navbatdagi ehtiyojlariga sarflanmog‘i lozim. Gap maoshlar to‘lanishi, milliy iqtisodiyotni qo‘llab-quvvatlash va Afg‘onistondagi gumanitar falokatning oldini olish haqida bormoqda", - dedi Zaxarova.
Eslatib o‘tamiz, 22-oktabr kuni ijtimoiy tarmoqlarda Afg‘oniston milliy qarama-qarshilik oliy kengashi tuzilgani to‘g‘risida deklaratsiya tarqaldi. Bayonotda siyosatchilarning "Tolibon"*ga, jumladan, agar shu zarur bo‘lsa, harbiy metodlar bilan qarshi turish niyati bildirilgandi.
* Rossiyada taqiqlangan terrorchi tashkilot.