TOShKENT, 27 okt – Sputnik. Rossiya va O‘zbekiston hukumat darajasida rossiyalik ish beruvchilarni talablarga javob beradigan mehnat resurslari bilan ta’minlash choralarini ko‘rishmoqda. Shuningdek, O‘zbekiston fuqarolarini haq-huquqlari poymol bo‘lmasligi oldi olinmoqda.
Bu masalalarni yechish yo‘lida Rossiya savdo sanoat palatasi prezidenti Sergey Katirin, O‘zbekiston bandlik va mehnat munosabatlari vaziri Nozim Xusanov va savdo sanoat palatasi rahbari Adham Ikromovlar uch tomonlama bitimga imzo chekdilar.
Mazkur bitimga ko‘ra qo‘yidagi yo‘nalishlarda hamkorlik olib borish ko‘zda tutilgan:
- Rossiya Federatsiyasi va O‘zbekiston Respublikasining amaldagi migratsiya va mehnat qonunchiligini, huquqni qo‘llash amaliyoti va sud tahlil qilish;
- mehnat migratsiyasidagi protsesslar va ishchilarni yollashdagi tashkiliy jarayonlar, shu jumladan rossiyalik ish beruvchilarning xorijiy mehnat resurslariga bo‘lgan ehtiyojlarini monitoring qilish;
- jo‘nashgacha tayyorgarlik davridagi samaradorlikni oshirish, shu jumladan, O‘zbekiston Respublikasi fuqarolari – ishchilarni talab qilinadigan kasblar bo‘yicha kasbiy tayyorlash va sertifikatlashtirish dasturlarini, tashkil etish va ularning ishga qabul qilish tartibi;
- uyushgan ishga qabul qilish jarayonida ish beruvchilar va xodimlarga hamrohlik qilish, shu jumladan nomzodlarni potensial ish beruvchining mehnat va yashash sharoitlari to‘g‘risida xabardor qilinishini ta’minlash;
- mehnat migratsiyasi masalalarini hal qilishda va sanitariya-epidemiologik vaziyatning yomonlashuvi va cheklovchi choralar, shu jumladan, koronavirus infeksiyasi (SOVID-19) tarqalishi sharoitida ishga qabul qilishning tashkiliy mexanizmlarini joriy etishda ko‘maklashish;
- mehnat migratsiyasi sohasida zamonaviy raqamli texnologiyalar va axborot vositalarini joriy etish;
- mehnat migratsiyasi sohasida mutaxassislarning kadrlar salohiyatini rivojlantirish;
Eslatib o‘tamiz, sal avvarloq Rossiyaning turli hududlariga 10 ming nafar kishiga ishlar taklif qilinayotganligi xaqida xabar berilgandi.