TOShKENT 20 okt - Sputnik. "Yangi O‘zbekiston" universitetida ilk o‘quv yili boshlandi.
Universitetda 18-23 oktabr kunlari tanishtiruv haftaligi o‘tkazilmoqda. Mazkur hafta davomida talabalarga yaratilgan shart-sharoitlar, fan o‘qituvchilari, dars jadvallari, baholash mezoni, universitet tartib-qoidasi, shuningdek "Yangi O‘zbekiston" ta’lim portali (Intranet) bilan tanishtirib borilayapti.
Universitetga kirish imtihoni Cambridge Assessment tashkiloti bilan hamkorlikda o‘tkazilib, 200 nafar abituriyent o‘qishga qabul qilingan edi.
Talabalar 2021-2022 o‘quv yilida mexanika muhandisligi, kimyo muhandisligi hamda dasturiy ta’minot muhandisligi yo‘nalishlarida tahsil oladilar.
"Yangi O‘zbekiston" universiteti o‘z yo‘nalishida "Dunyoning eng yaxshi 100 ta universiteti" reytingida 1-o‘rinda turadigan Massachusets texnologiya instituti bilan hamkorlik qiladi.