TOShKENT, 16 okt - Sputnik. O‘zbekistonga ilk bor ko‘chma PZR laboratoriya olib kelindi, deb xabar qildi Sog‘liqni aqlash vazirligi.
Ushbu laboratoriya “Germaniya hukumatining O‘zbekiston Respublikasi sog‘liqni saqlash tizimiga texnik va tashkiliy yordami” loyihasi doirasida O‘zbekistonga olib kelingan.
PZR mobil laboratoriyalar 2020-yilda Germaniya xalqaro hamkorlik jamiyati va OPASCA GmbH ko‘magida ishlab chiqilgan bo‘lib uning asosiy xususiyatlari quyidagilardan iborat:
laboratoriya kuniga 1500 kishida uchun PZR-test olish imkonini beradi;
PZR-test natijasi 1 soat ichida niq bo‘ladi;
Laboratoriyadan emlash punkti sifatida foydalanish ham mumkin;
elektr energiyasi bo‘lmagan vaziyatlarda ham 6 soatgacha xizmat ko‘rsata oladi;
haydovchi va 3 nafar tibbiyot xodimining avtonom faoliyati uchun moslashtirilgan. Laboratoriya ichida ularning dam olishi, ovqatlanishi, yuvinishi va boshqa ehtiyojlari uchun zarur sharoitlar mavjud.
Sanitariya-epidemiologik osoyishtalik va jamoat salomatligi xizmati boshlig‘i Bahodir Yusupaliyev aytishiga ko‘ra, bugungi kunda O‘zbekistonda 200 ga yaqin statsionar PZR laboratoriyalar mavjud. Chekka va olis hududlar aholisini qamrab olishda ba’zi muammolar bor edi. Ko‘chma PZR laboratoriyasi va emlash punkti yurtimizning istalgan hududiga borib, koronavirus tahlillarini o‘tkazish imkonini beradi.
Mobil PZR laboratoriyasi dastlabki faoliyatini Samarqand viloyatining chekka va aholi soni ko‘p bo‘lgan hududlaridan boshlashi kutilmoqda. Fuqarolar mazkur laboratoriyada koronavirusga bepul test topshiradilar.