TOShKENT, 13 okt – Sputnik. Bugun MSKning navbatdagi yig‘ilishi bo‘lib o‘tdi.
Yig‘ilishda MSK a’zolari hamda mas’ul mutasaddilar ishtirokida prezidentlik saylovlariga tayyorgarlik ko‘rish bo‘yicha kun tartibiga qo‘yilgan masalalar muhokama qilindi.
MSK Raisining o‘rinbosari Bahrom Qo‘chqorovni so‘zlariga ko‘ra, taklif etilayotgan saylov uchastkalarga videokuzatuv kameralari o‘rnatiladi, ovoz berish jarayonlari Markaziy saylov komissiyasining Saylov2021.uz saylov portali, Matbuot markazidagi katta hajmdagi monitorda va “O‘zbekiston24” telekanalida hamda Markaziy saylov komissiyasi binosida onlayn translyatsiya qilib boriladi.
Translyatsiya vaqti 24-oktabr kuni soat 8.00 dan 20.00 gacha etib belgilandi.