TOShKENT, 30 sen – Sputnik. AQSh hukumati Afg‘oniston bilan chegaradosh mamlakatlar bilan ularning harbiy obyektlari, jumladan, Rossiya bazalaridan terrorchilikka qarshi amaliyot o‘tkazish uchun foydalanish borasida muzokaralar olib bormoqda. Bu haqda “Politico” o‘z manbalariga tayangan holda xabar bermoqda.
29 sentabr kuni Pentagon rahbariyati ishtirokida eshituvlarning yopiq qismi bo‘lib o‘tgan.
Bu yopiq majlisda qatnashgan senatorlarga tayanib xabar qilayotgan nashr ma’lumotlariga ko‘ra, Pentagon vakillari muzokaralar Tojikiston, O‘zbekiston, Qirg‘iziston va boshqa mamlakatlar hukumatlari bilan olib borilayotganini ma’lum qilishgan.
Gap bu mamlakatlarga amerikaliklar tomonidan tashlab ketilgan Afg‘onistonda terrorchilikka qarshi amaliyotlar uchun “ufq ortidagi” vositalarni joylashtirish haqida bormoqda.
“Bu obyektlar bu mamlakatlarda Rossiya tomonidan foydalanilayotgan bazalarni ham o‘z ichiga olishi mumkin”, - deyilgan xabarda.