TOShKENT, 22 sen – Sputnik. Qoraqalpog‘istonning Mo‘ynoq tumanida yashovchi har bir oilaga 5 mln so‘mdan bir martalik yordam puli berilmoqda. Bu haqda tuman hokimligi matbuot xizmati xabar qilmoqda.
“Orol dengizi fojiasi oqibatlaridan hammadan ko‘p jabr ko‘rgan Mo‘ynoq tumani xalqi har tomonlama qo‘llab-quvvatlash prezidentimizning e’tiborida”, - deyiladi xabarda.
Bir martalik pul yordami qishloq fuqarolar yig‘inlari kesimida sayyor kassalar orqali, “Xalq banki”ning Mo‘ynoq tuman filiali tomonidan, shuningdek, uylarga avtomashinalarda borib tarqatilmoqda.
Davlat statistika qo‘mitasi ma’lumotlariga ko‘ra, 2021-yil 1-yanvar holatiga ko‘ra Mo‘ynoq tumani aholisi 32,3 ming kishini tashkil etadi.