TOShKENT, 20 sen – Sputnik. Rossiyaning Markaziy Osiyo mamlakatlari oldiga geosiyosiy tanlov qo‘yish rejasi yo‘q. Bu haqda Rossiya TIV rahbari o‘rinbosari Andrey Rudenko “Valday” klubining “Rossiya va O‘zbekiston hamkorligining yangi tarixiy bosqichidagi taraqqiyot va xavfsizlik tahdidlari” konferensiyasida ma’lum qildi, deb xabar bermoqda Sputnik muxbiri.
Bizning Markaziy Osiyodagi siyosatimiz - maksimal darajada ochiq. Bizning hech qanday maxfiy kun tartibimiz yo‘q. Mintaqadagi barcha mamlakatlar bilan ishonch asosida teng huquqli hamkorlik o‘rnatishga intilyapmiz. Buni uddasidan chiqapmiz deb o‘ylayman.
Rudenko Rossiyaning boshqa mamlakatlardan farqli o‘laroq, mintaqa mamlakatlarini “kim bilansiz: ”Rossiya bilan yoki Rossiyaga qarshi?”, degan geosiyosiy tanlov qarshisida qoldirish g‘oyalari yoki rejalari yo‘qligini ta’kidladi.
Shuningdek, diplomat Markaziy Osiyoda mintaqaviy xavfsizlik uchun qulay sharoitlarni yaratish muhimligini urg‘uladi.
Rossiya TIV rahbari o‘rinbosarining so‘zlariga ko‘ra, Rossiya uchun ustuvor vaziyafalardan biri – bu mintaqa mamlakatlarining iqtisodiy va ijtimoiy jihatdan rivojlanishi.