TOShKENT, 16 sen — Sputnik. KXShT a’zo-davlatlari rahbarlari Kollektiv xavfsizlik kengashi yig‘ilishi davomida Afg‘onistondagi harbiy-siyosiy vaziyatga alohida e’tibor qaratdilar, deb bayonot qildi KXShT bosh kotibi Stanislav Zas.
KXShT rahbari AQSh askarlari va NATO harbiy kontingenti chiqarilgach, Afg‘oniston respublikasidagi vaziyat keskin o‘zgarganiga e’tibor qaratdi.
""Tolibon"* radikal harakati (Rossiyada taqiqlangan terrorchi tashkilot) hujumi, Afg‘oniston hududining, jumladan, davlat chegarasi va poytaxt ham deyarli to‘liq ravishda toliblar nazoratiga o‘tishi, shuningdek, mamlakatda hokimiyatning o‘zgarishi Markaziy Osiyo mintaqasidagi vaziyatga sezilarli ta’sir ko‘rsatadi", - deya ta’kidladi Zas.
Bu holat KXShT a’zolarida tashvish keltirib chiqarmoqda, deb qo‘shimcha qildi u.
Bundan tashqari, Zas ta’kidiga ko‘ra, Tojikiston Afg‘oniston bilan eng uzun chegaraga egaligini unutmaslik lozim, sababi, chegaraning asosiy qismi tog‘li, odam qadami yetishi qiyin bo‘lgan hududlardan o‘tgan.
KXShT bosh kotibi tojik-afg‘on chegarasida yangi keng ko‘lamli mashg‘ulotlar o‘tkazilishi haqida e’lon qildi. Jumladan, "Poisk", "Eshelon", "Vzaimodeystvie" va "Kobalt" deb nomlangan manyovrlarni o‘tkazish rejalashtirilmoqda.
Afg‘onistondagi vaziyat tufayli Kollektiv xavfsizlik kengashi majlisi ishtirokchilari Markaziy Osiyoda kollektiv kuchlarni operativ joylashtirish rejasiga aniqlik kiritib oldilar. Shuningdek, harbiy kontingent tarkibi va maxsus kuchlar otradlarini shakllantirish masalalari ham muhokama qilindi, dedi Zas.