TOShKENT, 15 sen – Sputnik. Kollektiv xavfsizlik shartnomasi tashkiloti Afg‘onistondagi vaziyat bo‘yicha bayonot qabul qildi, deb xabar berdi KXShT bosh kotibi Stanislav Zas Tashqi ishlar vazirlari kengashi, mudofaa vazirlari kengashi va tashkilot xavfsizlik kengashi kotiblarining qo‘shma majlisi yakunida.
"Delegatsiya rahbarlari KXShT Kollektiv Xavfsizlik Kengashining Deklaratsiyasi loyihasini tasdiqlashdi va bir qator bayonotlarni, xususan, KXShTga a’zo davlatlarning "Afg‘onistondagi vaziyat to‘g‘risida" qo‘shma bayonotni qabul qildilar, shuningdek, Tashqi ishlar vazirlarining axborot xavfsizligi va kiber terrorizmga qarshi kurash sohasidagi birgalikdagi sa’y -harakatlarni muvofiqlashtirishga kelishildi, Tashqi ishlar vazirlarining Yaqin Sharq va Shimoliy Afrikadagi inqirozli vaziyatlarni bartaraf etish bo‘yicha kollektiv sa’y -harakatlar to‘g‘risida bayonot va Tashqi ishlar vazirlarining "Birlashgan Millatlar Tashkiloti Nizomiga sobitlikni tasdiqlash va unga so‘zsiz amal qilishni ta’minlash uchun hamkorlikni kuchaytirish bo‘yicha qo‘shma bayonot qabul qilindi", - dedi Zas.
Toliblar bir oy avval hukumat kuchlariga hujumni faollashtirdilar. Ular 15-avgust kuni Qobulga kirib borishdi va ertasi kuni urush tugagani haqida e’lon qildilar. Afg‘oniston prezidenti Ashraf G‘ani "qirg‘in-barotni oldini olish maqsadida" mamlakatni tark etdi. 31-avgustga o‘tar kechasi amerika harbiylari Qobul aeroportini tark etib, bu bilan AQShning Afg‘onistondagi 20-yillik mavjudligiga nuqta qo‘ydi.
Oltinchi sentabr kuni toliblar Afg‘onistonning 34 provinsiyasidan eng so‘nggisi - Panjsher ular nazoratiga o‘tganini e’lon qildi. Ertasi kuni Afg‘oniston muvaqqat hukumatining yangi tarkibi e’lon qilindi. Hukumatni BMT sanksiyalari ostida bo‘lgan, "Tolibon"*ning birinchi hukmronligi vaqtida TIV rahbari kursisini egallagan Muhammad Hasan Oxund boshqarishi ma’lum qilindi.
* RFda taqiqlangan terrorchi tashkilot