TOShKENT, 7 sen - Sputnik. AQSh prezidenti Jo Bayden Afg‘onistonda "Tolibon"* hukumatini tan olishgacha hali ancha vaqt bor, deya bayonot qildi.
Oq uy matbuot-xizmati tomonidan tarqatilgan jurnalistlar puli axborotida aytilishicha, AQSh prezidenti allaqanday bayonot qilish maqsadida o‘zini kutib turgan jurnalistlar yoniga yaqinlashgan.
"Ertaga katta kun kutmoqda", - deya so‘z boshlagan Bayden, ammo jurnalistlar uning gapini Afg‘oniston haqidagi savollar bilan bo‘lib tashlashgan.
Jumladan, unga toliblar rejimini tan olish haqida savol berishgan.
"Bungacha hali uzoq. Bungacha hali juda uzoq", - degan Bayden bu savolga javoban.
Bir oy avval toliblar hukumat kuchlariga hujumlarni faollashtirib, 15-avgust kuni Qobulga kirib borishgan edi. Ertasi kuni ular Afg‘onistonda urush tugaganligini, mamlakat boshqaruv shakli esa tez orada ma’lum bo‘lishini aytishdi.
31 avgustga o‘tar kechasi AQSh harbiylari Qobul aeroportini tark etib, bu bilan Qo‘shma Shtatlarning Afg‘onistondagi 20-yillik mavjudligiga nuqta qo‘ydilar.
* Rossiyada ta’qiqlangan terrorchi tashkilot.