TOShKENT, 4 sen — Sputnik. Qishloq xo‘jaligi vazirligi hamda O‘zbeksiton fermer, dehqon xo‘jaliklari va tomorqa yer egalari kengashi 2022-yil g‘alla uchun kutilayotgan minimal narxni e’lon qildi. Bu haqda AOKAning rasmiy telegram’ kanalida ma’lumot berildi.
Ta’kidlanishicha kelgusi yil 1 tonna g‘alla hosili 2,5 mln so‘m bo‘lishi kutilmoqda. Ushbu raqamlar Jahon bozori hamda mintaqaviy tovar birjalaridagi g‘alla xarid narxlari tahlil qilinib va mahalliy xarajatlarni inobatga olgan holda ishlab chiqilgan.
Mazkur minimal narx tavsiyaviy xarakteriga ega bo‘lib, g‘alla yetishtiruvchi va uni xarid qiluvchi subyektlar shartnomaviy munosabatlar doirasida g‘alla xarid narxlarini o‘zaro manfaatli kelishuv asosida mustaqil ravishda belgilaydilar.