TOShKENT, 1 sen — Sputnik. Afg‘oniston Islom Amirligi muzokaralar guruhi a’zosi va “Tolibon”* harakati siyosiy idorasi matbuot kotibi O‘zbekiston mustaqilligining 30-yilligi munosabati bilan o‘z rahbariyati nomidan tabrik maktubini yo‘lladi, deb xabar qildi TIV matbuot xizmati.
Unda aytilishicha, O‘zbekiston Afg‘onistonda tinchlik o‘rnatish jarayonida faol ishtirok etmoqda. Respublikaning konstruktiv rolini Afg‘onistonning hozirgi rahbariyati ham tan oldi.
Unda aytilishicha, O‘zbekiston Afg‘onistonda tinchlik o‘rnatish jarayonida faol ishtirok etmoqda. Respublikaning konstruktiv rolini Afg‘onistonning hozirgi rahbariyati ham tan oldi.
“Afg‘oniston Islom Amirligi muzokaralar guruhi a’zosi va “Tolibon” harakati siyosiy idorasi matbuot kotibi Muhammad Suhayl Shahin O‘zbekiston Respublikasi Tashqi ishlar vazirligiga Vatanimiz mustaqilligining 30-yilligi munosabati bilan o‘z rahbariyati nomidan tabrik maktubi yo‘llagani buning dalilidir", - deyilgan TIV xabarida.
TIV maktubni ilova qildi:
"Birodar O‘zbekiston Respublikasi rahbariyati va xalqini Mustaqillik bayrami bilan samimiy tabriklaymiz.
Biz qo‘shni O‘zbekiston bilan samarali va do‘stona munosabatlar o‘rnatishni xohlaymiz. O‘zbekiston ishtirokida Afg‘onistonda infratuzilma loyihalarini amalga oshirish, xususan, temir yo‘l va elektr uzatish tarmoqlarini qurishni davom ettirishdan manfaatdorligimizni tasdiqlaymiz. Afg‘oniston Islom Amirligi tomonidan o‘zbek sheriklarimizga bu yo‘nalishda barcha zarur yordam ko‘rsatiladi".
* Rossiya va qator davlatlarda taqiqlangan terrorchilik harakati.