TOShKENT, 30 avg – Sputnik. Nemis amaldorlari “Gazpromga” Yevropa Ittifoqi qoidalarini chetlab o‘tish uchun “Shimoliy oqim-2” gaz quvurini sotishni taklif qilishdi, deya yozmoqda OAVlar. Bu g‘oyaga Sputnik radiosi efirida Mintaqaviy masalalar instituti rahbari, Rossiya Federatsiyasi huzuridagi Moliya universiteti dotsenti, siyosiy fanlar nomzodi Dmitriy Juravlov munosabat bildirdi.
“Gaz direktivi gaz qazib olish va transportirovkasi bitta qo‘lda bo‘la olmasligini nazarada tutadi. Shu bois YeIda taklif qilishaptiki: gazingizga teginmaymiz, biroq bu direktiva ijro etilishi uchun “Gazprom” bizga gaz quvurining o‘zini sota qolsin. Ular bir necha marta neft quvurlarig ham shunday taklif bilan chiqishgandi, lekin, kechirasiz-u, kovushini to‘g‘rilab qo‘yishdi”, - deydi siyosatshunos.
Uning ta’kidlashicha, bu G‘arbning agar biror bir texnologik jarayon taqsimlansa, u yanada raqobatli va samarali bo‘ladi degan mutlaqo yanglish g‘oyasi asosida tuzilgan xomxayol orzusidir. “Shimoliy oqim-2” nisbatan bu g‘oya ish bermaydi.
“Raqobat – bu ikki kompaniya ishlab chiqarishni bir qismini boshqasidan ajratishi emas, balki bitta iste’molchi uchun kurash olib borishidir. Ikkita o‘zaro bog‘liq ishlab chiqarish loyihalari raqobat qilmaydi, aksincha bir-birini to‘ldiradi”, - deydi u.