Afg‘onistondagi voqealar o‘zbek elektr energiyasini yetkazib berishga ta’sir ko‘rsatdimi

TOShKENT, 24 avg – Sputnik. Qo‘shni mamlakatdagi notinch vaziyatga qaramasdan, O‘zbekiston odatdagi ravishda Afg‘onistonga elektr energiyasini yetkazib bermoqda. Bu haqda RIA Novostiga mamlakat Energetika vazirligi vakili ma’lum qildi.

Vazirlik vakili yoz oylarida afg‘on tomoni Tojikistondan importning oshishi sabab O‘zbekistondan elektr energiyasi iste’molini an’anaviy ravishda kamaytirishini aytgan.

Eslatib o‘tamiz, "O‘zbekiston milliy elektr tarmoqlari" AJ va Afg‘onistonning "Da Afghanistan Breshna Sherkat" kompaniyasi (DABS) o‘rtasida 10-yil muddatga elektr energiyasini yetkazib berish to‘g‘risida bitim imzolagan.

Afg‘onistondagi vaziyat keskinlashgan: so‘nggi haftalarda toliblar* hududlarni faol bosib olishni boshlab yuborgan va chegarada nazoratni qo‘lga olgan.

15 avgust kuni “Tolibon”* a’zolari poytaxt Kobulga bostirib kirib, prezident saroyini egallab oldi. Amaldagi davlat rahbari Ashraf G‘ani “qon to‘kilishining oldini olish maqsadida” Afg‘onistonni tark etdi. Hozir u BAAdan boshpana topgan.

16 avgustga o‘tar kechasi toliblar* siyosiy ofisining vakili Muhammad Naim Afg‘onistonda urush yakunlanganini, davlat boshqaruv shakli esa tez orada aniq bo‘lishini ma’lum qildi.