TOShKENT, 19 avg – Sputnik. Kelgusida homilador ayollar va bolalar ham emlanishi mumkin. Bu haqda O‘zbekiston bosh virusologi Nurmat Otabekov Toshkent viloyatida o‘tkazilgan matbuot anjumanida ma’lum qildi.
Uning so‘zlariga ko‘ra emlanish tufayli homiladorlikni keyinga surish shart emas. Xomiladorlikni rejalashtirish yoki ma’lum bo‘lmagan homiladorlik emlanishga monelik qilmaydi.
Ammo jahon sog‘liqni saqlash tashkiloti tasdiqlangan xomiladorlikda emlanishni kechiktirib turgan ma’qulligini aytib o‘tmoqda. Kelajakda esa bunday toifadagi ayollar va bolalarni ham nazorat asosida emlanishi rejalashtirilmoqda.
Hozircha bu borada sinov-tadqiqotlar yakuniga yetgani yo‘q.