TOShKENT, 15 avg — Sputnik. “Tolibon” terrorchilik harakati Afg‘oniston poytaxti Kobul shahriga hujum boshladi. Bu haqda “Reuters” agentligi Afg‘oniston Tashqi ishlar vazirligiga tayangan holda xabar bermoqda.
Mamlakat prezidenti ma’muriyati esa Kobul hujumga uchramagani va shahardagi vaziyat nazorat ostida ekanini ta’kidlamoqda.
O‘z navbatida RIA Novostining yozishicha, poytaxt g‘arbidagi Kobul universiteti “Tolibon”* qo‘li ostiga o‘tgan. Jangarilar u yerga o‘z bayrog‘ini o‘rnatgan.
Mahalliy OAVlar ma’lumotlariga ko‘ra, “Tolibon”* rahbariyati hukumat bilan shaharga tinch yo‘l bilan kiritish imkoniyatini ko‘rib chiqish yuzasidan muzokaralar o‘tkazmoqda.
Bundan tashqari, "Tolibon"* vakillari ayni paytda Afg‘onistondagi barcha chegara punktlarini nazorat qilayotgani aytilmoqda. Shu tariqa, mamlakatni faqat Kobul aeroportidangina tark etish mumkin.
* Rossiya va qator mamlakatlarda taqiqlangan terrorchilik tashkiloti